الأول: الأتوبيس ده بيروح مصر الجديدة
الثانى: على الحديدة!! لية انت طالب احسان
الأول: بذرة الكتان دى تلاقيها عند العطار.
الثانى: جزار اه قول كده.. عايز تشترى لحمة
الأول: الدنيا زحمة علشان ده معاد خروج الموظفين.
الثانى: نور الدين لا والله ماعرفوهش.
الأول: مابتشربوش!! ليه كفا الله الشر!!
الثانى: راس البر ده مصيف هادى.
الأول: عايز تركب للمعادى دى منطقة جميلة.
الثانى: بليلة انت شكلك جعان.
الأول: عيان اه والله طيب ماتروح للدكتور.
الثانى: الحنطور احسن من الأتوبيس وبيوصلنى للباب.
الأول: هباب وانا اللى كنت فاكرك محترم.
الثانى: اتخرم هو مين
الأول: عاوز اسبرين لية انت عندك صداع
الثانى: قراع يانهار اسود ده مرض خطير
الأول: لا مش عايز فطير.. تقيل على المعدة وتمنه غالى
الثانى: خالى انت تعرف خالى ده راجل كبير فى السن.
الأول: الجن نهارك مش فايت.. انت عليك عفريت
الثانى: لا والله ممعاييش انت عايز الكبريت ليه عايز تولع
الأول: ادلع ادلع عليك انت انت ماتملاش عنيا.
الثانى: يقبضوا عليا ليه
الأول: انت غريب ياراجل انت شكلك شحات روح اشتغل شغلة تاكل
منها عيش.
الثانى: خيش ده صوف انجليزى
الأول: بنتك زيزى ربنا يخلى
الثانى: انتاج محلى ده مستورد
يمر الشاويش.. يلفت انتباهه الحوار.
بتعمل ايه ياجدع
الأتنين: مافيش ياشاويش... احنا مستنين الأتوبيس
الشاويش: نهاركم مش فايت...... جواسيس
قدامى............
!!!!!!!!!!!!!!!!!!!!!!!!!!!!!!!!!!!!!!!