اليكم قصه :يوميات بنات فى المدرسه
شوفوا هايعملو ايه
وهما واقفين فى الطابور طبعا عمالين هاتك يا رغى وهاتك يا هزار
حتى فى الطبور
ما علينا
هديل : بت يا قمر 14 انتى عملتى الواجب ولا لا
قمر : اها اكيد طبعا لازم اعمله انتى عايزة الابلة تمدنى على رجلى
دزنى : ايه ده ايه ده ده هى الابلة هتمد
لوفر جيرل : طبعا اومال انتى فاكرى ايه
دزنى : يا نهار من غير الوان انا مش عاملة اى حاجة فى الواجب
لوفر : استاهلى بقا اللى هيحصلك
هديل : بس يا بت يا لوفر نقطينا بسكاتك
موتا : بطلو رغى بقا خلينا نسمع المديرة بتقول ايه د
المديرة : اعزائى الطلبة والطالبات المنحرفات
السلام عليكم ورحمة الله وبركاته
اليوم ساقوم بتفتيش كامل بنفسى
وهذا التفتيش ليس تفتيش الجيوب عشان مفيش بت تستهبل وتقولى مسرقتش حاجة
لا سيكون التفتيش على الواجبات وسنسال فى الدروس التى اخذت
دزنى : يا نهار من غير الوان
هديل : الله يخرب بيتكو هنعمل ايه دلوقتى
فراشة : احسن احسن احسن تستاهلو انا مامى فضلت معايا امبارح ونعمل الواجب مع بعض
موتا : بس يا بت منك لله
جوجو : طيب يا جماعة هنعمل ايه حد يقولنا دى المديرة يعنى مش اى حد
والمديرة تنظر اليهم وتقول : انتى يا بت منك لها لها لها لها مش شايفنى بتكلم يا حيوانات
انتى يا بت انتى وهى :
اى حد هيكلم اللى جنبه او يفكر يتكلم مع اللى جنبه هجيبو هو واللى جنبو
يعنى من الاخر ذنبو على اللى جمبو
دلوعة : خلاص يا عم الحنجرة ، الولية دى بالعة جاموسة على الصبح ، استغر الله العظيم
بسبوسة : الله يخرب بيوتكم طيب هنعمل ايه انتو كلكو كدة مش عاملين الواجب
هديل : هى جات على الواجب بس ده لسا فى تسميع وبلا ازرق
ليالى الصمت : يعنى روحنا فى داهية
جوجو : داهية ايه كفاله الشر ، روحنا فى ستين داهية بس
هديل : ها يا جماعة نخلع احسن
دزنى : لا نحشى ، هنزوغ اذاى يا هديل
ليالى الصمت : انا عندى فكرة انما ايه عفاريت
موتا : قولى يا ست الكوتكوتة
ليالى : بصو حد فينا يحدف طوب على عم مخيمر الجناينى ويخليه يجرى وراه ورايا هتلاقيه ساب الباب والباقى يطلع والبت اللى هتعمل كدة تفضل تجريه لحد ما يتعب وبعد كدة تخرج ورانا
دزنى : يا سلام عليكى يا بت ، بس مين اللى هينفذ ؟؟؟؟؟؟؟
هديل : يلا يا موتا
موتا : ابتا ابتا ال موتا ال
هديل : يلا يا لولا
لولا العسولة : لا لولا عندها مشوار
المهم محدش رضى
فراشة : خلاص نعمل كولو بطاطس
اوكى
الكل يقول كولو بطاطس وفى الاخر طلعت دلوعة
موضوع: يوميات بنات فى المدرسه 
الأحد يناير 03, 2010 7:24 pm
