كرسى الاعتراف لازم تشاركوا فيها بجد هتعجبكوا اوووى

ههههههههههههههههههههههههههههههههههههههههههههههههههههههههههههه

عمدة تانى وقعتك سودا ياعماد دى فرصتىىىىىىىىىىىىىىىىىى انى اقهرك تانى

على فكرة يامورا ادخلى قسم المسابقات هاتلاقى عماد قاعد على نفس الكرسى ومطحون ياحرام

احنا بقالنا يومين بنسلخة اسالة................. معلش ياعمدة تعيش وتاخد غيرها .

:twisted:

اممممممممممممممممممممم
اختار جوجووووووووووووووووووووووووووووووووووووووو القمر

ههههههههههههههههههههههههههههههههه

حبيبتى انا ريلاكس خالص متقلقيش والاسئلة اللى عندكوا هاتوووووووووهااااااااااا


وميهمكوش انا مستعدة جدااااااااااااا ومش هاعمل زى ناس واعيط من الاسئلة

هههههههههههههههههههههههههه.

وانا كمان هختاااااااااااااار جوجووووووووووووووووووووووووو وهقولها سنتك سوده يا جوجو ههههههههههههههه

وهبدا انا بالاسئلة الاجابة تكون بصراحه ومفيش هروب من اى سؤال ماللى جاى وورينى شطارتك بقى

1 - مين اكتر شخص نرفزك وعصبك فى حياتك؟

2 - لو ركبتى تاكسى وبعد ما وصلك المكان اللى عايزاه اتفاجئتى انك مش معاكى فلوس خالص تعملى ايه؟

3 - لو فيه حد معجبه بيه ايه هى الطريقه اللى توصلى بيها لقلبه وتبينيله اعجابك ؟

4 - مين قدوتك ومثلك الاعلى فى حياتك ؟

5 - ايه العيب والميزة اللى فيكى ؟

6 - ايه اكتر حاجه زعلتك فى حياتك؟ واكتر حاجه فرحتك؟

7- ايه شعورك لما حد يقولك انتى معقده ؟

8 - مين اكتر شخص بتثقى فيه؟

9 - حبيتى كام مره و كان اسمه ايه وعرفتيه منين؟

10 - لو شوفتى اللى كنتى بتحبيه صدفه فى يوم مع واحده تانيه هيكون ايه شعورك؟

11 - لو خيروكى بين حبيبك وبين اعز صديقة تختارى مين؟

12- حكمة بتأمنى بيها جدا؟

13 - تختارى مين يمسح دموعك؟

14- مين اكتر حد بتعزيه فى اصحابك؟

15 -ايه شعورك لو رفضك حد بتحبيه حب جنون؟

16- تقولى لمين مقدرش انساك؟

17 - ايه اكتر موقف محرج حصلك فى حياتك؟

18- اسفه جدا تقوليها لمين؟

19 - ايه اكتر حاجه بتتمنيها بشده ونفسك تحققيها؟

20 - لو بتحبى واحد وروحتى تقابليه اول مره وعندك دور برد ومش معاكى مناديل ووانتى قاعده معاه عطستى وبرابيرك نزلت تعملى ايه؟



يلا اسيبك تعيشى مع الاسئلة ونلتقى بعد الاجابه :P :P :P

جوابي على السؤال رقم 9 هههههههههه :lol!:

:lol:

متقلقش ياعماد هارد بمنتهى الــــــــــــصـــــــــــــراحة..ياللا نبتدى الاجابة واقول.............


+ بـــــــــــســـــــم الـــــثـــــالـــــــــوث الـــــــمــــــقــــدس+[/b]

1 - مين اكتر شخص نرفزك وعصبك فى حياتك؟

واحدة صاحبتى كانت معايا فى ثانوى كانت باااااااااااااااااااااااااااااردة لابعد الحدود

والبرود اكتر حاجة بتعصبنىىىىىىىىىىىى.


2- - لو ركبتى تاكسى وبعد ما وصلك المكان اللى عايزاه اتفاجئتى انك مش معاكى فلوس خالص تعملى ايه؟

اولا انا لازم يبقى معايا فلوس بزيادة فى الشنطة وفى جيبى عشان لو نسيت الشنطة فى حتة يبقى

فى فى جيبى اما بقى لو فرضنا وحصلت هاوقف التاكسى واطلع للناس اللى رايحلهم واخد منهم واحاسب

التاكسى او ارجع بية البيت واخد الفلوس وارجع لمشوارى بس ساعتها هاحاسبة على مشوارين ههههههههه


3 - لو فيه حد معجبه بيه ايه هى الطريقه اللى توصلى بيها لقلبه وتبينيله اعجابك ؟

ولا اى طريقة لانة استحالــــــــــــــــــــــــــــة انى ابين لة او اقولة وعموما هى حصلت معايا واستمرت 8 سنين

وضاع الحب دة من ايدى بسبب كدة وهو كمان ضيعنى من ايدة بسبب السلبية وظروفة مكانتش تسمح وقتها .


4 - مين قدوتك ومثلك الاعلى فى حياتك ؟

مثلى الاعلى هو خالووووووووو ربنا يخلية لي ويحمية يارب.


5 - ايه العيب والميزة اللى فيكى ؟

العيب هو انى نرفوزةةةةة جدا وعنيدة جدا جدا :D ومش بثق فى حد بسهولة اما الميزة معرفهاش ومش انا اللى

احددها اللى يحددها الناس اللى بتتعامل معايا[/ color].


[color=darkred] 6 - ايه اكتر حاجه زعلتك فى حياتك؟ واكتر حاجه فرحتك؟

اكتر حاجة هى زعلتنى هى غرق ابن عمى قصاد عينى فى المصيف وتوفى ومكانش معاة حد غيرى

انا واخوة (منك للة ياشيخ فكرتنى).

وحاجة تانى كان عندى امتحان ترم يوم راس السنة الصبح وقبليها كان عندى جينرال مسرحية وروحت

بالليل وصحيت متأخر وروحت الامتحان لاقيتهم قفلوا البوابة علية انا وكام طالب وحاولنا ندخل ومنفعش

وطبعا شيلت المادة دية رغم انها كانت اكتر مادة بحبها وتقديرى العام نزل


7- ايه شعورك لما حد يقولك انتى معقده ؟

اللى يقوووووول يقووووول وولا هالتفتلة اساسا اهم حاجة اقتناعى بنفسى .


8 - مين اكتر شخص بتثقى فيه؟

بنت عمى هى اقرب واحدة لقلبى ودة لانها عاقلة وايجابية جدا فلازم اثق فيها.


9 - حبيتى كام مره و كان اسمه ايه وعرفتيه منين؟

الحب الحقيقى كان مرة واحدة وكان اسمة ميلاد من الكنيسة ومرة تانى كانت حاجة شبة حب .


10- لو شوفتى اللى كنتى بتحبيه صدفه فى يوم مع واحده تانيه هيكون ايه شعورك؟

صدقنى وبمنتهى الامانة هادعيلة ان ربنا يوفقة معاها يجوز انة لقى فيها شىء مش عندى .


11- لو خيروكى بين حبيبك وبين اعز صديقة تختارى مين؟

مش هختار حد هاسيبهم هما الاتنين عشان مظلمش حد فيهم وربنا يعينى انا بقى على فراقهم


12 - حكمة بتأمنى بيها جدا؟

(خير من ان تعطنى سمكة علمنى كيف اصطاد)(هبنى كوخ افرح واضحك فية خير من ان تهبنى قصرا

ابكى فية)(لو ملكت منطقي لملكت نفسي)


13- تختارى مين يمسح دموعك؟

ياااااااااااااااااااة لو كان بابا يسوع ...........ولو مش هو تبقى ماما.


14-- مين اكتر حد بتعزيه فى اصحابك؟

بصرااااحة بعزهم كلهم وانا ليا اصحااااااااب كتيييييير من ايام الدراسة ومن الكنيسة ومن الشات

بس اكتر واحد صاحبتى الانتيم ماريان نعرف بعض من 12 سنة .


15-ايه شعورك لو رفضك حد بتحبيه حب جنون؟

مع الف سلااااااااااااااااااااااااااااااامة وساعتها هاقولة .................

<مـــــــــــــن انــــــــت حتــــــــــــــــــــى تـــــــــســــــــتـــــــبــــــــــيـــــــح كرامــــــــــــتى>


16-تقولى لمين مقدرش انساك؟

مستر محمود شاكر مدرس الانجليش بتاعى ..واحدة صاحبتى مهاجرة استراليا .


17- ايه اكتر موقف محرج حصلك فى حياتك؟

ههههههههههههه(ينيلك فكرتنى)كنت فى مرة فى تواليت الكنيسة وخارجة لاقيت صرصار واقف قدام الباب

وانا بخاف جدا ومش بعرف اموت اى حشرة وهو مش عايز يمشى وقعدت اندة على حد برة ومش فى حد سامعنى

روحت فضلت اعيط لغاية ما فى بنتين داخلين بالصدفة لاقونى بعيط قوى وانا ما صدقت لاقيتهم وقولتلهم موتوا

الصرصار دة جالهم هيسترية ضحك علية وقالولى (بتعيطى من الصرصار ياميس ) وموتوة وخرجوا فى الكنيسة

فضحونى بالحكاية ديةوانا طبعا فى وسط هدومى عشان بنتين صغيرين انقذونى من حتة صرصار.

(بس بسنى وبينك ياعمدة الصرصار كان بيبصلى بغيظ وكان متربصلى وبيلعبلى شنباتة هههههههههههههه)


18- اسفه جدا تقوليها لمين؟

اقولها لواحد صارحنى بشعورة وانا مش حاساة ولانى مش بحب اجرح حد وجرحتو فحاسة بالاسف من ناحيتة.


19-يه اكتر حاجه بتتمنيها بشده ونفسك تحققيها؟

تصدق ياعماد مش عارفة .انا مش عندى امانى محددة يجوز دة لانى مفيش فرصة للتمنى عندى عشان

تقريبا مش ناقصنى حاجة بس لو انت مصمم قوى تعرف.. يبقى اتمنى شخص يفهمنى ويحبنى واحبة.


20- - لو بتحبى واحد وروحتى تقابليه اول مره وعندك دور برد ومش معاكى مناديل ووانتى قاعده معاه عطستى

وبرابيرك نزلت تعملى ايه؟

مش بمشى من غير مناديل يارخم . وبعدين مش لاقى غير اول مقابلة وعايزة ياخد عنى الانطباع دة .

بس هافترض جدلا انها حصلت ساعتها هامسح فى الكم ..

[b] (تمت بحمد اللة)

انما اية ياعماد الاسئلة التافهة دية كنت متخيلة حاجات اصعب وكم اكبر بس معلش بقى انت سالت

على اد فهمك ههههههههههههههههه

وعموما ياسيدى الف شكر .............ياللا باى ونلتقى بعد الفاصل...................

جوجووووووووو ياقلبى كتير ولله عليكى انا هسيبك شويه ياقلبى حرام هنكون كلنا عليكى اتفضلى عصير ليمون ده حلو اوى لاعصاب :oops:

ميرسىىىىىىىىىىى بسبوستى ربنا يخليكى ليا ياعمرى


يامظبطانى انتى ومريحة اعصابى ههههههههههههههههه

منورنى ياميكى وانت جنب الكرسى كدة

ياللا اجاوب بقى ................. احم احم .


+ بسم الثالوث القدوس +

اولا : اسمك وسنك وعنوانك والياهو والهوتميل؟

اسمى جوجو ....... سنى 22 سنة ......عنوانى شبرا الدور الخامس... والباقى بقى :D :D :D


- مين فى الشات بتخافى منه؟

ههههههههههههههههههههههه اخاف من مين ياعم ميكى انا بخاف من ربنا ودة كفاية عندى .


- مين فى الشات بتعملة حساب؟

اغلبهم حبايبى واصحابى يعنى مفيش فرق بينا .ولا حساب ولا غيرة.


- مين فى الشات تحب تشوفة ؟

واااااااااااااااااااااااااااااااااااااحد خلية فى سرى بقى هههههههههههههههههههه :oops:


- مين فى الشات صديقك؟

عماد ثرى دى رغم اننا عاملين زى الديوك سوا.ومن البنات كلهههههههههههههههههم


- مين فى الشات تحبيه تكلميه اول لما يدخل؟

بوسى -- وماجى -- وجيسى -- وبتول -- ومريم -- وميكى --- وعماد وكل الناس اللى زى العسل فى الشات

ميرسىىىى ياميكى على اسئلتك اللى كلها عن الشات

بس الحياة مش كلها شات يابنى فى اسئلة عن الحياة اللى برة الاجتماعية والشخصية والانسانية

بس يااللا كويس انك قدرت تتوصل للاسئلة دية ههههههههههههههه


ثانكس ياقمر

يالهوى عليك ياجاااااااااااااااااااااااااااااااامد وعلى اجمل كابتشينو

ميرسى ياعسل تصدق جة فى وقتة

ههههههههههههههههههههههههههههههههههههههههههههههههههههههههههههههههههههههههههههههههههههه



شاطرة يا جوجو كسبتى معانا جنية خشب روحى استلمى الجايزة من اى نجار :D

بس بصراحه اشكرك اشكرك على نقط ضعفك اللى بانت من غير ما تحسى :lol!:

كل شئ انكشفاً وباناً ههههههههههههههههههههههههههههه وتعيشى وتاخدى غيرها

ههههههههههههههههههههههههههههههههههههههههههههههههههههههههههههه

يععععععععععععععععععععععععععععععععععععع

حراااااام عليك يامينااااااااااااااااااااااااااااااااااااااا مش كفاية صرصار الكنيسة

هايبقى هناك وهنا ربنا يسامحك

هههههههههههههههههههههههههههههههههههههههههههههه هاخلى حياتك كلها صراصير

دى اسئلة مورااااااااااااااااااااااااااااا ربنا يقدرنى واجاوب عليها كلها ..............


+بسم الثالوث القدوس+
\
1--اية شعورك دلوقتى حالا؟

شعورى انا فعلا مبسوطة جدا باسالتكوا اللى الاستاذ عماد فاكر ان اجابتها بتبين نقط الضعف لكن بالعكس

دى بتوصل للمتلقى مين اللى بيتعامل معاة .


2-اية الامنية اللى بتتمنيها فى حياتك؟

بحلم بكل البشر يتوحدوا ويتجمعوا بحلم بضلة تساع كل الناس بحلم بكل اتنين بيحبوا بعض

ما يفرقهم اى حد ويبعد عنهم كل شر .


3-اية صفات فارس الاحلام هههههههه؟

1- يكون بيحبنى جدا.... 2-يكون متأنى فى قراراتة.....3-يكون ابن ربنا وقريب منة .....3-يكون حنين ومحب لكل الناس

..... رومانسى ...6 دمة خفيف عشان منبطلش ضحك ههههههههههههه هههههههههههه


4-اية اكتر حاجة جرحتك فى حياتك؟

عموما انا قلبى لسة متكسرش ومعنى انى اتجرح يبقى انى اتكسر بس الحمد للة انا اقوى من كدة.


5--اكتر حاجة بكيتى بدموع حارة عشانها؟

يوم ما غرق ابن عمى وطلعوة من الماية متوفى دى اصعب لحظة مرت علية وانهارت فيها.


6--حسيتى مرة ان ربنا مش معاكى ؟

لالالالالا عمرى ما حسيت الاحساس دة لان ربنا مش بيسيب حد ابدا (ان نست الام رضيعا فانا لا انساكم)


7-اجمل الاوقات مع مين بتقضيها؟

مع فريق المسرح فى الكنيسة ومعاكوا فى الشااااااااااااااااااات


8-اية انطبعات الناس اللى بتشوفك لاول مرة وهل دا حقيقى؟

اول انطباع الناس بتاخدة عنى هو الغرور بس لما بيعرفونى كويس بيلاقوا انى من ابسط ما يكون.


9--اية رايك فى كل من:

بوسى --- حبيبة قلبى السكرة عسولة خالص ----

ماجى ---- روحى روحى روحى وطيوبة خالص------

جيسى -------بسكوتاية وبموت فيها ----------

نانا --------بنت زى السكر ربنا يحميها-----

رين ------------دمها خفيف وعسولة ------

ندى ------بنوتة سكرة ----------

ميكى ----- حد قلبة طيب خالص ----

مينا الجامد ------- تعليقاتة تحفة قوى -------

رووووووومى ------ههههههههههههه دمة زى العسل -----

عمااااااااد------ نـــــــــــــــو كـــــــــو مـــــــــــنـــــــــــــت وبين قوسين (مستفزموووووووووووووووووت)

جوزيف ------- نـــــــــــــــــــــــــــــــــو كــــــــــــــــو مـــــــــــــــــنــــــــــــــــــــت...........................

10-وايه اكتر الناس اللي في المنتدي حاسة انهم قريبين منك ؟

اغلبهم صدقينى قريبين منى بس زادوا واحدة زى العسل اسمها مووووووووووووووووووراااااااااااا.


11وايه رايك في الحب ؟

معتقدش ان الصفحة هنا هاتساع كلام عن الحب ووصفة بس ممكن الخصة فى كلمة (حـــــــــــيــــــــــا ة )


12-هل هو موجود في زماننا ده ولا لا؟
\
طبعا موجود بس للاسف مش عند كل الناس .


13-وايه رأيك فى الصداقة بين الولد والبنت ؟؟؟

حلوة بس تكون بحدود.


14-ايه معنى الكلمات دى عندك :-

يسوع-- ابويا وربى واللهى ومعلمى -

العدرا --- امى الغالية وشفيعتى .

الكنيسة ---- بقضى فيها احلى اوقاتى .

المنتدى -----مكان بفرح لما بكون فية وسط اصحابى وبستفاد من مواضيعهم.

الاصحاب---- معرفش اعيش من غيرهم.

العيلة ---- هى اللمة والحب والمسئولية.

البيت ------الحضن الدافى والامان والطمأنينة.

النت----حاجة بسلى بيها وقتى واستفتاد منة ومن افقة الواسع ومجالاتة المختلفة.

الخطوبة ------فترة تعارف بين الحبيبين .

الزواج-----اكيد بيكون اخر محطة الحب بيوصلها وهو كمان الاستقرار .

الصداقة ---- هى الهوا اللى بنتنفسوا ومن غيرها تكون صعبة الحياة.



15- لو خانتك فى يوم صديقتك ايه هيكون موقفك؟؟؟؟؟؟؟؟؟

هاقول ربنا يسامحها وابعد عنها بس الاول لازم اعرف الدوافع اللى خليتها تعمل كدة عشان ارتاح.


16-ايه رأيك فى الحب بالنسبه اللى صغيرين فى السن بس مش اوى هل بتعتبريه مراهقه ولا ايه؟؟؟؟؟؟؟؟؟؟؟


هو طبعا هايكون فى سن المراهقة بس السن دة بيختلف من واحد لواحد فى حد بيكون عاقل وبيكون جاد

وبيبقى صادق فى حبة وفى حد تانى وفى نفس السن وبيبقى متهور وبيتسلى بيرجع اولا واخيرا للشخص .


17-هل فى شخص فى الوجود حصل على ثقتك الكامله ولا لاء؟؟؟؟؟؟

اة فى طبعا بس مش كتير لانى مش بثق فى حد بسهولة .


18-ايه الحاجات اللى مش بتعجبك فى البنات عامة ؟؟

اول حاجة مش بتعجبنى فى بعض البنات هى اللى مش بتحط حدود فى تعاملاتها مع الولد حتى لو كان الولد

دة بتحبة .-----والبنات الهوائية والسطحية مش بيعجبونى .-------البنات الخفيفة اللى مش رزينة.

+والحاجات اللى مش بتعجبك فى الولاد؟

يييييييييييييه كتير قوى -- زى الولاد اللى بيتسلوا بالبنات ----والهيافة اللى فى بعضهم --.وعدم تحمل المسئولية

وفى ولاد سليطة اللسان -----والولد الخفيف ---------واغلب الولاد معندهمش ثقافة عامة ولااهتمامات مفيدة

وبس بقى كفاية كدة احسن ايدى وجعتنى من الكتابة عنهم ولو ان لسة فى كتير بس خلاص كفاية .

19- لو اتعرضتى للخيانه او الغدر من شخص قريب ليكى .. ايه هايكون ردك على الموقف ؟؟؟؟

لو الشخصية دية جت واعتذرت خلاص هاسامحها وهانسى الموقف بس هاكون حذرة بعد كدة فى

التعامل معاها.وبعدين دة لحنا مهما بنغلط ربنا بيسامحنا يبقى احنا كابشر خطاءين مش هانسامح بعض ؟



ميرسىىىىى خالص ياموا ياحبيبتى على اسئلتك الجميلة

ربنا يخليك ياميكىىىىىىىىىىىى



وميرسى قوى على الكومنت

قلبببببببببببببببببببببببببى منووووووووووره الكرسى ميرسى ياحياتى على رايك فيا انتى للى حبيبة قلبى وانتى للى عسووووووووله خالص
ممكن اسال القمر شويه اسئله كده بس مش تقلق كلو سهل
1_مين اول حد تحبى تشوفيه اول متقومى من النوم وليه ؟؟

2_ لو واحد قالك بحبك وانتى مش حاسه بحاجه ناحيته غير انه اخوكى هيكون ايه رد فعلك؟؟

3_انتى من الناس للى بتحكم بسرعه على للى قدامها ولا بتعاملى لاول معاه وبعدين تحكمى عليه؟؟

4_مالفـرق بين الحب والصداقة ؟؟

5_هل ندمت فحياتك على شي معيّــن ؟؟

6_انتى راضيه على نفسك ؟؟

7_قرارك بتاخدي بعقلك ولا قلبك ؟؟

8_بتحبى تساعدى الناس ولا لاء ؟؟

9_ لو حد طلب منك انه يبقا مسيحى تحبى تساعديه ولا هتكبرى دماغك وتبعدى عن المشاكل ؟؟

10_ من هو توأم روحك؟؟

11_ايه رايك فى الكلمات دي
الخيانة ..
الراجل..
الصداقة ..
النميمة ..
النفاق ..


واحلى ايس كريم لاحلى قمر

حبيبه قلبي جوجو انتى عرفه اسئلتى سهله اوى :D
يالا يا قلبي اعدى ع كرسي الاعتراف ومش تقلقي خالص مالص بالص

نبدا بقي ف الاسئله للقمر
1+ لو عندك باقه ورد تحبي تهديها لمين ؟
2+ انتى مبسوطه بحياتك الروحيه ولا ؟
3+ ايه اكتر موقف حصلك فرحك ونفسك يتحقق تانى ؟
4+ مين اكتر حد بترتاحي وانتى بتتكلمى معاه ف المنتدى ؟
5+ مين هو اكتر شخص بتفكرى فيه على طول ؟
+ 6-لو قلبك بقا حجر جدا لدرجة ان عندك استعداد انك تقتلي حد هتقتلي مين ؟

حرااااااااام عليكم هريتوها اسئله
جوجو مين اكتر شخص بترتاحيله؟
ومين كمان الشخص الى مش بترتاحيلو؟
ومينن الى مش عجباكى فى الشات والمنتدى؟





بس كفااايه

انا فيها لاخفيها خالص هههههههههههه بهزر طبعا سمحونى انى مش معاكوا اوى بظبط الردودو الاول علشان فيه ناس كتير بتتعب محدش بيرد عليها

ميرسى يابسبوستى على ذوقك ياحبيبتى...........ياللا نبتدى...............


بسم الاب والابن والروح القدس الة واحد ........امين.



1_مين اول حد تحبى تشوفيه اول متقومى من النوم وليه ؟؟

مامااااااااااااااا ........لانى بتفاءل بيها قوى ويومى بيبقى زى العسل لما بشوفها اول حد.


2-_ لو واحد قالك بحبك وانتى مش حاسه بحاجه ناحيته غير انه اخوكى هيكون ايه رد فعلك؟؟

هاوضحلة موقفى منة وافهمة انة زى اخويا .


3-_انتى من الناس للى بتحكم بسرعه على للى قدامها ولا بتعاملى لاول معاه وبعدين تحكمى عليه؟؟

لا طبعا بحكم على اللى قدامى من خلال تعاملى معاة ومش بأمن باللى بيقولوا ان الانطباع الاول يدوم.


4-_مالفـرق بين الحب والصداقة ؟؟

الحب .........حياااااااااااااة ومشاعر دافية واحاسيس مختلفة جوا بعضها .

الصداقة .........الفة ومحبة وود بين شخصين قريبين فى الفكر والميول .


5-هل ندمت فحياتك على شي معيّــن ؟؟

اة حصلت مرة واحدة .



6_انتى راضيه على نفسك ؟؟

بصى يابسبوسة فى حياتى الشخصية والاجتماعية ومع نفسى راضية كل الرضا .......ولكن .........

حياتى مع ربنا مش راضية عنها لانها الى حد ما غير مستقرة ودة شىء بيؤ رقنى جدا .


7-قرارك بتاخدي بعقلك ولا قلبك ؟؟

بالاتنين مع بعض بفكر بعقلى وقلبى سوا سوا .....علشان مش كل الامور ينفع فيها القلب بس ولا العقل بس .

الاتنين بيكملوا بعض .


8-بتحبى تساعدى الناس ولا لاء ؟؟

اكيد طبعا احب اساعد كل الناس .


9-لو حد طلب منك انه يبقا مسيحى تحبى تساعديه ولا هتكبرى دماغك وتبعدى عن المشاكل ؟؟

هاساعدة طبعا بس كل اللى اقدر علية انى اوصلة للكاهن اللى هايساعدة اكتر منى لان التنصير لية ناسة .

ولية كهنة متخصصين وفاهمين يتعاملوا معاهم ازاى.


10-من هو توأم روحك؟؟

جووووووووووووووووووووجووووووووووووووو.


11-ايه رايك فى الكلمات دي............

الخيانة ------ابشع جريمة بيرتكبها الانسان .

الرجل ---------انسان خلقة اللة يعيش ويتعايش .يفرح ويبكى .يجنى ويتجنى . يحب ويكرة . :bom:

النميمة -------صفة من صفات الانسان الجاهل .

النفاق --------بيستخدمة الانسان الجبان اللى مش بيقدر يواجة الاخر .



(الى هنا اعاننا اللة ...........ههههههههههه)

ثانكس يابوسى على الايس كريم جة فى وقتة ياقمر ........

اسد يابت :lol: :lol:

موجااااااااااااااااااااااا حبيبة فلبى الغالية ...سالخير ياقمر ياللا اااااااااااا نبدأ


+ بسم التالوث القدوس+



1-لو عندك باقه ورد تحبي تهديها لمين ؟

اهديها لعمو لانة تعبان قوى (ربنا يشفية )


2- انتى مبسوطه بحياتك الروحيه ولا ؟

بصراحة لا ياماجى صليلى انى اتعمق فيها اكتر من كدة .


3-ايه اكتر موقف حصلك فرحك ونفسك يتحقق تانى ؟

هو فى كتير بصراحة ياموجا بس اللى بيحضرنى دوقتى كنت عاملة مسرحية وفى حفل توزيع الجوايز

اخدت مركز اول بالمسرحية واحسن ممثلة دور اول وكان فى عدة فنانين ومثقفين واستلمت الجايزة من

الانبا موسى اسقف الشباب .كان موقف سعيد ومحرج فى نفس الوقت .


4-+ مين اكتر حد بترتاحي وانتى بتتكلمى معاه ف المنتدى ؟

+ بتول+ وموجا وبوسى وسارة


5- مين هو اكتر شخص بتفكرى فيه على طول ؟

مش فى حد معين بس لو حد عندة مشكلة او متضايق دايما بفكر فية واحاول احلها معاة .


+ 6-لو قلبك بقا حجر جدا لدرجة ان عندك استعداد انك تقتلي حد هتقتلي مين ؟

لا ياموجا استحالة ان قلبى يبقى حجر او حتى انة يكرة تقوليلى اقتل كمان ....لا صعب جدااااااااااااااا

بس لو حصل ......................

هاقتل اى حد اعتدى--- على بيت او على عرض او على ارض او على حلم او استغل نفوذة

لقتل كلمة حق.


شكرا ياموجتى على اسئلتك وتعرفى الكرسى كان مريح خاااااااااااالص


ربنا يخليكوا ليا ياحبايبىىىىىىىىىىىىى

ندى انا سعيدة قوى انك معايا النهاردة وميرسى انك قلقتى علية ياسكرة .



+ بسم الثالوث الاقدس+


1-مين الشخص اللى بترتاحيلة ؟[/co


[][ اى شخص ذوق ومحب ومؤدب وعاقل .][
]
- مين الشخص اللى مش بترتاحيلة ؟

مش برتاح للشخص السليط اللسان والمتكبر واللى مش بيحب الناس .


3-مينن الى مش عجباكى فى الشات والمنتدى؟

ياندى انا مش حاجة انى انتقد حد والكتاب بيقول ........

لماذا تنظر القذي الذي في عين اخيك واما الخشبه التي في عينيك فلا تفطن لها كيف تنمو القذي

لتصير خشبه؟..
[/size][/size][/color]
ميرسى قوى ليكى ياندى وربنا يحافظ عليكى ياجميل

ميرسى ياميناااااااااااااااااااااااااا على الكابتشينووووووووووووووو



يتردلك وانت ع الكرسى ان شاء اللة :D

هههههههههههههههههههه اتبهدلتى يا جوجو من بعدى سلامتك يا قلبى
بس بجد اجبات مية مية يا قمرررررررر
بس بجد هايلة يا سكرتى بس على فكرة كل اما تكتر الاسئلة
كل اما تعرفى الناس دول بيحبوكى اد اية

شاللة يخليكى ليا يامورتى بس متبهدلتش ولا حاجة دى اسئلة هايلة فعلا

وانا بحبهم كللللللللللللللللهم ربنا يباركهم يارب

بصراااااااااااااحه محتاجه حد يفهمنىى :oops:

ميرسى اوووووووى يا جوجو يا قمر على رايك فيا وبجد من اجاباتك على الاسئلة الى هاروكى فيها ربنا يسامحهم يعنى باين انك شخصية قوية اوى وبنت المسيح بجد ربنا يحفظك ويوفقك فى حياتك يا قمر :flower:

ميرسيبى خالص ياندى ورايك فيا دة شرف ليا انى اسمعة


تعيشى ياقمراية.....

هههههههههههههههههههههههههههههههههه


عسل قوىىىىىىىىىى ياميكى ياااااااااااااجاااااااااااااااااااااااااااااامد

على اية حبيبتى دى الحقيقة بجد وعلى فكرة انا ماسميش ندى اسمى نرمين وو لا يهمك ندى ندى حلوة منك يا قمر :flower:

انتو نمتو ولا اية يلا نكمل اللعبة
وانا هختار موجااااااا

ميرثي يا بسبوستى يا قلبي ربنا يخليكي ليا يا قمرى

انا كمان اختار مينا الجامد