احكيلنا معجزتك

انا حدثت معايا معجزه قويه وربنا حلها فعلا بتدخل قديسيه لما توصل لنهايه المطاف وتلقى جميع الابواب مغلقه وموصوده بأقفال من حديد ونحاس ربنا يشتغل واذا اعتمدت على ذراع بشر هاتلقى
الموضوع فشل انا موضوعى ان بنك التنميه كان مستأجر البيت بتاعنا الدور الارضى مخزن للاسمده بمبلغ زهيد2جنيه فى الشهر من عام 1977وكنت انا واسرتى نسكن الدور الثانى وضاق السكن والاولاد كبره عايز سكن تانى مافيش سكن موفر ودخلت فى مشكله مع البنك المنزل
تاكلت جدرانه من اسفل ونشع ماء والمنزل ايل للسقوط اشتكيت لمده سنتين حتى للسيد رئس
الوزارء والمحافظ ومدير البنك وكانت الاجابه ترميم المنزل على حسابك الخاص تعنت فاذا انا رممت
كده مافيش طلوع من المخزن ولو انا لم ارمم المنزل سوف يسقط فعلا العد خلفى والبحر امامى
رفعت قضية واستشفعت بالقديسين السيدة العذراء والبابا كيرلس ومارمينا وابونا عبد المسيح
والقديس باخوميوس الشايب الاقصر لوجود صله قرابه قرابه ومحبه ببعض الرهبان ورفعت قداسات والمحامى الذى قام بالقضيه مسلم من البلد التى اسكن بها ولكن القضيه تعقدت وتم تحويلها الى جنوب القاهره بعد بقائها سنه فى الدائرة التى اسكن بها وجاء النطق بالحكم كاتالى
حكمت محكمه جنوب القاهرة بتحويل القضيه الى محكمه عابدين لعدم اختصاص محكمه جنوب
القاهرة بذلك وجاء دور محكمه عابدين بعد سنه من التداول تحويل القضيه الى محكمه اخرى
لعدم اختصاص محكمه عابدين بذلك انه التعصب الاعمى لاننى انا مسيحى فارسلت خطاب لسيدنا
قلت له ياسيدنا انا تعبت البيت هايقع اروح فين ومشعارف اعمل ايه ارممه اذا رممت هايبقوا فيه
وكانت هذه القضيه مصدر تعب وقلق على وقال ابى الراهب بدير الشايب احكم يارب للمظلموين
حتى لو بعد حين وقلت ايضا لسيدنا الاسقف بايبارشتى عارف ياسيندنا نقل الجبل المقطم
كان اسهل وقال المحا مى القضيه معقده وصعبه جدا 3سنوات بالمحكمه دون حل واصبحت
قضيتى على كل لسان فى المدرسه فى البلد حتى قال احد الزملاء بالمدرسه وهومسلم قضيتك
لو قدرت تخلص رغيف من فم كلب سعران هاتخلص قضيتك وقال المحامى عايزه معجزة من ربنا
كنت اصلى والاباء الكهنه وشفاعات بالقديسين الاطهار يارب لماذا كثر الذين يحزوننى ومزمور
الى متى يارب تنسانى ومزمور بصوتى للرب صرخت واحسست مافيش فائدة وهنا انتهى الذراع
البشرى وسكت وسلمت امرى يحصل اللى يحصل هيه موته اذا سقط البيت وربنا يتولانى برحمته ولكن الله لاينسى ابدا مهما طال الزمن وطالت التجربه واتقفل المنفذ وجدت المحامى
قال انا عايزك هات عقد ايجار قديم ونرفع القضيه من جديد هنا قلت تانى بعد التعب والمصاريف
وتم رفع القضيه بمركزى اللى انا اعيش فيه وتأجلت مرة واتنين وكان القاضى رجل شديد جدا
القضيه اللى عايزه شهر تاخد سته شهور تاجيل وهكذا احكام صعبه ولكن الله تطلع من سمائه
ونظر وصلوات مرفوعة قداسات شفاعة العذراء البابا كيرلس ابونا عبدالمسيح وكثير من القديسين
وجاء يومالنطق بالحكم 28-12-2003 وكان كالتالى حكمت المحكمه برئاسه المستشار فلان0000
وعضويه00000برد المخزن لصاحبه وينفذ بقوه القانون ربنا موجود الشفاعة موجودة واستلمت
المخزن اخيرا وقال المحامى وهو رجل مسلم دى معجزة واباء دير الشايب فرحوا جدا وتم تسجيلها فى كتاب موجود عندى وتمجد اسم الله وتمجد ت السيدة العذراء والبابا كيرلس وابونا
عبد المسيح المناهرى والانبا باخوميوس وكل مصاف قديسيه
عاطف عطيه مدرس دين مسيحى المنيا





منقول